Rom 8 | HUI | STEP | Anigo áyu wali agali Keriso Yasuha ho gimbu bu karu Ngode Datagaliwabehanda ti heba godi nalolebira.

a 8.1Lm 8.34, 8.39

b 8.2Yo 8.36, Lm 7.23-25, 2 Ko 3.6, Ga 2.19

c 8.3Ab 13.38-39, 15.10, Lm 3.20, 2 Ko 5.21, Pb 2.7, Hi 4.15, 7.18-19

d 8.4Ga 5.16, 5.25

e 8.5Yo 3.6, 1 Ko 2.14, Ga 5.22, 5.25

f 8.6Lm 6.21, 8.13, Ga 6.8

g 8.7Md 12.34, Yo 8.43, 12.39, 1 Ko 2.14, Ya 4.4

h 8.91 Ko 3.16, 12.3, Ga 4.6, Pb 1.19, 1 Pi 1.11

i 8.10Ga 2.20, Eb 3.17, 1 Pi 4.6

j 8.11Ab 2.24, 1 Ko 3.16, 6.14, 2 Ko 4.14, Eb 2.5

k 8.13Ga 6.8, Eb 4.22, Kl 3.5

l 8.14Ga 5.18

m 8.151 Ko 2.12, 4.6, 2 Ti 1.7, Hi 2.15

n 8.15-17Ga 4.5-7

o 8.162 Ko 1.22, Eb 4.30

p 8.17Ab 26.18, Ga 4.5-7, Pb 1.29, 2 Ti 2.11-12, Mo 21.7

q 8.18Lm 5.2, 2 Ko 4.17

r 8.19Kl 3.4, 2 Pi 3.13, 1 Yo 3.2

s 8.20Pig 3.17-19

t 8.212 Pi 3.13, 1 Yo 3.2

u 8.232 Ko 5.2-4, Ga 5.5, Eb 1.14, 4.30

v 8.242 Ko 5.7, Hi 11.1

w 8.26Seg 12.10, Eb 6.18, Ya 4.3

x 8.27Iba 7.9, 139.1, Ab 1.24, 1 Ko 4.5, 1 Te 2.4, 1 Yo 5.14

y 8.28Lm 9.11, 9.23-24, Eb 1.11, 2 Ti 1.9

z 8.29Yo 17.22, 2 Ko 3.18, Eb 1.5, 1.11, Kl 1.5, 1.11, 1.18, 2 Ti 2.19, Hi 1.6

aa 8.30Lm 9.24, 1 Ko 6.11, Eb 4.4, 1 Pi 2.9

ab 8.31Dag 14.9, Iba 118.6

ac 8.32Yo 3.16

ad 8.33Ais 50.8

ae 8.34Iba 110.1, Ab 7.55-56, Kl 3.1, Hi 7.25, 9.24, 1 Yo 2.1

af 8.35Lm 8.38-39

ag 8.36Iba 44.22, 1 Ko 15.30-31, 2 Ko 4.11

ah 8.37Yo 16.33, 1 Ko 15.57, 2 Ko 2.14, 1 Yo 4.4, Mo 12.11

ai 8.38Eb 1.21, Kl 1.16, 2.15, 1 Pi 3.22

Romans 8

Ngode Datagaliwabe Dinini ibugua haru helowa holene ngago ogo

1 Anigo áyu wali agali Keriso Yasuha ho gimbu bu karu Ngode Datagaliwabehanda ti heba godi nalolebira. ^a 2 Irane ogo Ngode Datagaliwabe Dinininaga bulene ngagome ina Keriso Yasuha ho gimbu bu kamagola holene gahenge ngiaga ka. Ko bulenenagabi homolenenagabi bulene wiagome i̱ dariba hearia Ngode Datagaliwabe Dinininaga bulene mana wiagome i̱ golope henego ko. ^b 3 Wali agalinaga mini ala tawego gedaore ho winigo Mosese heneyangiMana lowini ngagome mbira bibe nahe wiaria Ngode Datagaliwabehanda ibu Igini ibilayagome bini. Ani bialu Ngode Datagaliwabehanda mini ala tawe ko biagane wiagonaga godi lalu ko biagane ogoni wali agaliha wulene nawi lalu walia hene. Ani buwa ibu Igini ina ko kamago ale dege howa ko nabi inanaga ko birimago mo wahelo ibilene. ^c 4 Ngode Datagaliwabehanda ogonidagua binigo irane ina mini ala tawe mo tene haramaligome ndo ibunaga Dinini mo tene ho kamarume Mana lowini ngagonaga tigabi bulene biai holoma̱ya ibugua ani bini. ^d 5 Wali agali tinaga mini ala tawe mo tene ho karu tinaga mitangi bulene mini ala tawenaga hame ledagome tini haru haga. Wali agali Ngode Datagaliwabe Dinini mo tene ho karu tinaga mitangi bulene ibunaga Dinini ibu hame ledagome ti haru haga. ^e 6 Mini ala taweme tínaga mitangi bulene haru helowa harimigome homolene yu anda ibaga. Ngode Datagaliwabe Dinini ibugua tínaga mitangi bulene haru helowa harimigome holene gahengeorebi mo palia holenebi yu anda ibaga. ^f 7 Mbirali mini ala taweme ibunaga mitangi bulene haru helowa kayagua ibu Ngode Datagaliwabenaga mana lo ngago nabibehe howa nabiaga ka. Anigo ibugua Ngode Datagaliwabela waitigi ho ka. ^g 8 Wali agali tinaga mini ala taweme hame laradagua biaga karume Ngode Datagaliwabe mo turu habe nahe ka.

9 Ngode Datagaliwabe Dinini tíha henene kayagua tínaga mini ala taweme hame laradagua ndo Ngode Datagaliwabe Dinini ibugua hame laradagua bialu holeberami. Mbirali ibuha Keriso Dinini naheyagua ogoni ibu Kerisonaga ndo ka. ^h 10 Anigo ko buleneme tínaga tingini bo homolebirago Keriso tíha kayagua Ngode Datagaliwabe Dinini ibugua tíhondo holene gahengeore ngiaga ka. Irane Ngode Datagaliwabehanda, Tí mini tigabiwi kami, lene kamigo. ⁱ 11 Ngode Datagaliwabehanda Yasu homayagola mo heya henego ibu Dinini tíha kayagua Keriso homayagola mo heya henedagua dege ibugua tínaga tingini homolebirago mo heya holebira. Irane Ngode Datagaliwabehanda ibu Dinini tíha kagome ani bulebira. ^j

12 Anigo i̱ hamene mbaliniru-o ina dano ho kamago manda buwa mini ala taweme hame laradagua bialu holene nawi. 13 tínaga mini ala taweme hame laradagua bialu harimiyagua homoleberami. Ai Ngode Datagaliwabe Dinini ibugua tínaga ko beramiligo mo homa helo helarimiyagua tígua holene gahenge yu holeberami. ^k 14 Wali agali Ngode Datagaliwabe Dinini ibugua haru helowa karu ti Ngode Datagaliwabenaga waneigini ka. ^l 15 Ngode Datagaliwabehanda ibu Dinini ngiyago ibugua tí garabaya biabe ale bilimulo mo bia hagabi mo gi hagabi ndo ka. Ngode Datagaliwabe Dinini ibugua tí Ngode Datagaliwabenaga waneigini halimulo mo helaga ka. Ani helaragola iname Dinini ogoninaga hongoni howa Ngode Datagaliwabehondo, Aba i̱ Aba, laramili. ^{m
,} ⁿ 16 Ina Ngode Datagaliwabenaga waneigini kamago walia hole ibu Dininibi ina dininibi ho gimbu bu howa, Tí Ngode Datagaliwabe waneigini kami, lalu walia haga. ^o 17 Ina Ngode Datagaliwabenaga waneigini kamago ibugua turu holene tara tara ibu waneigininaga wu kago inahondo ngulebira. Ani bialu Ngode Datagaliwabehanda Kerisonaga wia hene ngagobi Keriso ibu heba howa ina haru mandagi ngulebira. Keriso ibu tandaga nalu hayadagua inabi nalu harimayagua ina Keriso heba ibunaga bayale taraore holene mandagi karuloleberama. ^p

Awe bayale taraore holene karuloleberamago ogo

18 Áyu tandaga nalu kamagobi naabo halu naholeberama. Awe Ngode Datagaliwabehanda inahondo bayale taraore holene walia halu ngulebirago tandaga áyu nalu kamago emene lowa bayale taraore holene timbuni gibiore ngulebira manda bu kogoni. ^q 19 Ngode Datagaliwabehanda ibunaga waneigini kamaru mo walia helo mbirale ibugua wabiniru bibahendeme de hondoa howa hondo kagoni. ^r 20 Mbirale bibahende Ngode Datagaliwabehanda wabiniru pani nai halu habane nabulene hai henego irane tinime ani bulene hame lalu hene ndo. Ti ko hai hayagola Ngode Datagaliwabehanda ani bulene manda bini. Mbirale bibahende Ngode Datagaliwabehanda wabiniru dindini togo biaganeme dariba ho ngaru horo mbirungi Ngode Datagaliwabehanda golope holebira. Golope holenebi bayale taraore holenebi ibunaga waneigini karulo kadagua uruni tibi mandagi howa karulolebira. Ogoninaga ina minime dunubia ho holene nga. ^{s
,} ^t 22 Mbirale Ngode Datagaliwabehanda wabiniru bibahendeme u̱lu̱ laabo halu walime gali taba honole biruwa tandaga nalu biragadagua u̱lu̱ laabo halu henego áyubi anidagua bialu haabo ka manda bidamagoni. 23 Mbirale Ngode Datagaliwabehanda wabiniru hangume ani lalu ka ndo inamebi lalu kama. Ibugua inahondo turu halu dewa bame ngulebirago aria pigane ibu Dinini ngiya. Ngode Datagaliwabe ibugua ina mo ibunaga waneigini halu inanaga bulenerubi inanebi bibahendeore golope hai helo kamatagi howa ani u̱lu̱ lalu kama. ^u 24 Yasu Kerisohondo mini dunubia ho hemagola Ngode Datagaliwabehanda ina pele ngiya. Mbira hondole mini dunubia ho henego de handarimayagua mani mini dunubia ho holene nawiaga. Mbiralime mbirale de hendenego mani de hondole lowa mini dunubia ho haga aibe. ^v 25 Iname mbirale deme nahende howa mini dunubia ho kamayagua ina ema nabi howa hondo holeberama. 26 Ogonidagua dege bialu ina hongo nahe kamaria Ngode Datagaliwabe Dinini ibugua biamogo bule ibaga. Iname Ngode Datagaliwabehondo bi agua lolebe toba ho kamagola ibunaga Dinini ibugua bime ndo minime lalu Ngode Datagaliwabehondo inanaga la haga ka. ^w 27 Ani la halu howa Ngode Datagaliwabe Dinini ibugua Ngode Datagaliwabe hame ledadaguaore bialu ina Ngode Datagaliwabenaga wali agali kamarunaga la haga kagoni. Ani lagago wali agalinaga bu habaneha ngago ibugua de handagaore howa ibu Dinininaga miniha mitangi bidago manda biaga ka. ^x 28 Ngode Datagaliwabehanda wali agali ibuhondo gubaliniherume biabe mbira irane bilo olene karu tihondo mbirale bibahende tara tara biaganego mani bayale helonaga hangu bigi biaga ka manda bu kama. ^y 29 Ngode Datagaliwabehanda wali agali dabene karu ti ibu Igini ale helo daba bagi ho helenego irane ibu Igini ibuni wahene howa hamene mbalini dewa buhe aria helo helene. ^z 30 Ani binigo Ngode Datagaliwabehanda wali agali daba bagi ho helene karu uruni ti olene. Ibugua olene karuhondo, Tí mini tigabiwi kami, lalu helene. Ani helowa ibunaga bayale taraore holene ti haru mandagi karulelo Ngode Datagaliwabehanda mo bimaga ho helene. ^aa

Ngode Datagaliwabenaga gubalini holene Keriso Yasuha ngago inanaga wiaabo holebirago ogo

31 Uruni bibahende mitangi bialu ina agi manda bibehe kamabe. Ngode Datagaliwabe ibuni ina heba kagonigo ina baba waitigi ho habehe mbirali mbira ai kabe. Mbirali mbira naheore. ^ab 32 Ngode Datagaliwabehanda ibunaga Igini ngulene manga nahe howa inanaga homo aribia helo ngini. Ibu Igini ogonidagua nginigo bibahende ngulene ngaru turu halu bame ngulebiraore ndobe. ^ac 33 Wali agali Ngode Datagaliwabehanda dabene karuhondo, Tí ko kami, lalu lolene ai kabe. Mbirali naheore. Ngode Datagaliwabe ibunime, Tí mini tigabiwi kami, leneoredago. ^ad 34 Ngode Datagaliwabehanda ani lenego mbirali mbirame, Tí pani nolene nga, labehe ai kabe. Keriso Yasu ibu homa halu mo heya henego kago áyu Ngode Datagaliwabenaga gi tigahayagi pu biruwa ibugua Ngode Datagaliwabehondo inanaga la halu kago. Tí pani nolene nga, ani nalolebiraore. ^ae 35 Anigo Kerisohanda inahondo gubalini ho kago nahelo agileme ina mo dala hangu hangu haga bibehebe. Nabibeheore. Ga̱i̱ bibi hondolenebi genda yu holenebi mo tandaga holenebi garibilo holenebi yagibano holenebi mbirale hiriribi ngarubi homolenebi uruni bibahendeme ina mo dala hangu hangu haga nabibeheore. ^af 36 Anduane Homogonagambugani lo ngago ogo, ^ag

Ina Ngode Datagaliwabe í̠naga howa horo bibahendengi ina homolene hiriribi kaware ngagoria haabo kamagoni.
Ina nogo sibi bole kagobi kamaria hondowa tigua ina mo tandaga haga ka,
lalu gilibu nga. 37 Uruni ale handa walia harimayaguabi Keriso ibugua ina gubalini hene kago ibuha howa ina wayali holene gibiore yu kamagoni. ^ah 38 Keriso ibugua ina gubalini ho kago nahelo mbirale mbirame ina dala hangu hangu haga nabibeheore manda bu kogoni. Homolenemebi holenemebi nabibehe. Dahuliyali karumebi hari daligaha haru haga karumebi hongo holene yu karumebi nabibehe. Áyu kamangibi mani holeberamangibi nabibeheore. 39 Mbirale daligaha ngarumebi dindiha ngarumebi nabibehe. Anduane Homogo Yasu Kerisoha howa Ngode Datagaliwabenaga gubalini holene inanaga ngago nawilo Ngode Datagaliwabehanda mbirale bibahende wabiniru mbiraoreme ina mo dala hangu hangu nahabeheore wulebira. ^ai